Kasingkasing sa dilang Binisaya (A Philippine dialect)

Kasingkasing (Heart)

Buhi ka man kung ang paghigugma alang lamang sa kaugalingon nimo,

Ayaw na lang ko pangulitawha maski nag lantawa,

kay daw patay ka sa imong pagka mang-inusara.

Gi hinganlan siyag Heart, nga daw lab-as nga pulang puso sa saging.

Wa man pa gani kami nagkahimamat,

among kasingkasing daw dili lang saging, kun dili barkada .

Magtutudlo siya, nga lingaw pod kaniya ang pagpastora sa kapilya nila.

Kinabuhing dili lamang sa klasrum gasigig pang estorya; Bulawanong Pulong sa Bibliya iya sab gisangyaw sa kapilya og baryo nila.

Diri sa internet, ga pang abi-abi lang mig lingaw sa paghatag og giya. Kay katawhang kung sa materyal og temporaryong kalipay ray ilaha, ang internet mamahimo rang impeyerno kanila, sa daghang maninintal nga hulagway og istorya.

Wala sa pag-inilhanay, sa pag himamat o relasyon nila.

Apan ang ilahang lapis og suwat daw dunay panaghiniusa.

Kung li-lion man, kasingkasing nila, daw dili lang pula,

apan pagkamahigugmaon sa katawhan, maoy una sa ilaha.

(Pitik sa kasingkasing ni allan para kang Heart usa ka hapon sa adlawng Huybes)