Ginoong gamhanan sa tanan,
Ako uban ang sakop sa akong pamilya kanimo miyokbu og midangop aron mangampo!
Wala miy ikahalad kanimo kundili ang among kinasing kasing nga pasalamat nga sa daghang mga kalisud og kasakit, Imo ming gina-ubanan kanunay sa pagpangita og paagi aron makalusot sa daghang pagsuway. Salamat kaayo among Ginoo! Si ate Lily hinaut nga diretsuhay na ang iyang pag ayo. Si Nong Florie sa iyang pag malapuson sa pag kontrol sa iyang kasingkasing og sa bag-o niyang trabaho! Si Mamang sa iyahang pagpaningkamot sa kalisod sa kinabuhi sa ioang katiguwangan; sila Edgar og Mading nga nakaangkon og trabaho uban sa kasakit sa kalayo didto sa Arabya; og si Poe sa iyang pagpaningkamot uban sa iyang pamilya sa Dabaw.
Daw sa akong panlantaw, dili man gani mi angay nga Imong tagaan pa og mga higayon kay daghan na kaayo ang among mga kasal-anan diri sa yuta. Maski karon, daghang mga pagtudluay ag pag binasulay sa mga kasaypanan sa gobyerno, sa mga tawong daw ang materyal og mga butang lay ilang tuyu og damgo. Sori Ginoo kong kani maoy dagway sa among gobyerno karon. Wa gyoy garbong ikaatubang o ikahalad kanimo mi rong panahuna. Pasayloa mi Ginoo kon wala mi nahimong lakaw aron matagaan man lang og maayong panlantaw ang gobyerno og ang mga galingkod sa gobyerno karon. Hinaut nga mahigmata na sila sa ilang pagtiaw-tiaw aning kinabuhi dili lang kanila kundili para Kanimo og sa kadaghanan og tanan.
Ang mga pobre Ginoo, wa na gyoy laing dangpanan, Ikaw ra gyod sama kanamo! Kung daghan lang untang Father Suarez nga Imong medyum para sa "healing" dinha sa Pi'nas karon, hinaut nga ang pagsalig og pag too sa katawhan mahimong haligi nga tarong aron magmalinawon og mag mahigugmaon ang katawhan dili lang para sa ilang kaugalingon kun dili tungod sa kahitas-an nga maoy paglaum sa tanan! D iba mga kaigsoonan? Amen!!!
Ginoo, usa sa among ituktok sa Imong mahigugmaong kasingkasing, puede Ginoo? Bata pa man ang among igsoong si Manong Boy aron mopanaw og duna pay mga misyon siya sa iyang pamilya, sa iyang kapunungan sa kummunidad, sa iyang mga apo og sa kasilinganan niya. Kung puede Ginoo, hatagi pa siyag igo pang panahon dinhi sa yuta aron iyang mahimo pa ang daghang kaayuhan para sa tanan. Tagai pa unta siya Ginoo og maayong panlawas, kusog og kinabuhi nga iyang malusutan ang mga gibati niya ron. Among iapil Ginoo ang mga doktor og nars niya mga mo-opera niya, mga tawong modonar og dugo para sa iyang operasyon. Hinaut nga ang basbas gikan nimo muhatag sa ilahag igong gahom og kusog aron mag malampuson ang mga operasyon og pag ayo ni Manong Boy. Plis among Ginoong mahigugmaon......
Promis Ginoo, mag makugi pa mig maayo para sa kaayuhan sa mga katawhan! Apan Imo ang tanan. Amo lang i petisyon Nimo Makagagahum kining butanga. Og salamat sa tanan nimong paghigugma kanamo og sa katawhan.
Kini among giampo Kanimo sa ngalan ni Kristo nga among Manluluwas!!!!
Amen!!! Amen!!! Amen!!!
No comments:
Post a Comment